அரிசி, மளிகைப் பொருட்கள் விலை கிடுகிடு உயர்வு – பொதுமக்கள் அதிர்ச்சி
அத்தியாவசிய உணவுப் பொருட்களின் விலை தொடர்ந்து உயர்ந்து வருவதால், பொதுமக்கள் கடும் சிரமத்தை எதிர்கொண்டு வருகின்றனர். குறிப்பாக அரிசி மற்றும் மளிகைப் பொருட்களின் விலை கடந்த சில வாரங்களில் கணிசமாக அதிகரித்துள்ளதாக வியாபாரிகள் தெரிவித்துள்ளனர்.
சந்தை நிலவரப்படி, ஆர்.என்.ஆர். அரிசி கிலோ ரூ.63.50-ல் இருந்து ரூ.71.15 ஆகவும், கோ-51 அரிசி ரூ.35-ல் இருந்து ரூ.45 ஆகவும் உயர்ந்துள்ளது. அதேபோல் கர்நாடகா பொன்னி, குண்டு இட்லி அரிசி, குருணை உள்ளிட்ட அரிசி வகைகளின் விலையும் அதிகரித்துள்ளது.
மளிகைப் பொருட்களிலும் விலை உயர்வு பதிவாகியுள்ளது. குண்டு மிளகாய், தனியா, பூண்டு, உளுத்தம் பருப்பு, கடலைப் பருப்பு, துவரம் பருப்பு மற்றும் சர்க்கரை உள்ளிட்ட அத்தியாவசிய பொருட்களின் விலை உயர்ந்திருப்பது குடும்ப செலவை மேலும் அதிகரித்துள்ளதாக நுகர்வோர் கவலை தெரிவித்துள்ளனர்.
விலை உயர்வுக்கு அரிசி உற்பத்தி குறைவு, அதிகரித்த தேவை மற்றும் அண்மைய கொள்முதல் செலவுகள் முக்கிய காரணங்களாக கூறப்படுகின்றன.
வாட்ஸ்அப் சேனலில் உடனுக்குடன் செய்திகளைப் பெறுக!
Join WhatsApp Channel
