திருப்பூரில் குவியும் தவெக வேஷ்டி சட்டைகள்!

தமிழக வெற்றிக்கழகம் என்ற கட்சியை தொடங்கியுள்ள நடிகர் விஜய் அடுத்த மாதம் (அக்டோபர்)27-ந்தேதி விழுப்புரம் மாவட்டம் விக்கிர வாண்டியில் கட்சியின் முதல் மாநில மாநாட்டை நடத்த உள்ளார். மாநாட்டிற்கான ஏற்பாடுகள் மும்முரமாக நடைபெற்று வருகிறது.

இந்தநிலையில் மாநாட்டில் பங்கேற்க வரும் முக்கிய நிர்வாகிகள் வெள்ளை வேட்டி, சட்டை அணிந்து வர வேண்டும் என நேற்று நடைபெற்ற ஆலோசனை கூட்டத்தில் அக்கட்சியின் பொது ச்செயலாளர் புஸ்சி ஆனந்த் மாவட்ட நிர்வாகிகளிடம் வலியுறுத்தி உள்ளார்.

இதையடுத்து மாநிலம் முழுவதும் உள்ள நிர்வாகிகள் மாநாட்டிற்கு அணிந்து செல்லும் வகையில் வேட்டி, சட்டைகள் தயாரிக்க திருப்பூர், ஈரோடு குமார பாளையம் பகுதிகளில் உள்ள ஜவுளி உற்பத்தி நிறுவனங்களில் ஆர்டர்கள் கொடுக்க தொடங்கி உள்ளனர்.