இலையுண்டு கிளையில்லை,பூ உண்டு மணமில்லை,காய் உண்டு விதையில்லை,பட்டை உண்டு கட்டை இல்லை,கன்று உண்டு பசு இல்லை அது என்ன?

காலையில் வந்த விருந்தாளியை மாலையில் காணவில்லை. அது என்ன?

பறந்து செல்லும் ஆனால் பறவையும் அல்ல பால் கொடுக்கும் ஆனால் விலங்கும் அல்ல அது என்ன ?

எங்க அக்கா சிவப்பு, குளித்தால் கருப்பு அது என்ன ?

கொதிக்கும் கிணற்றில் குதித்துக் குண்டாகி வருவான். அவன் யார்?

முத்து வீட்டுக்குள்ளே தட்டு பலகை அது என்ன ?

கடைசி வார்த்தையில் மானம் உண்டு, முதல் வார்த்தையின் மென்மைக்காக இறந்தன பூச்சிகள். காஞ்சியில் நான் யார்?

இவன் வாலுக்கு வையகமே நடுங்கும் அவன் யார்?

ஒரு கூடையில் ஆறு ஆப்பிள் இருந்தன. அங்கு இருந்த 6 சிறுவர்களுக்கும் 6 பழங்கள் கொடுத்துவிட்டனர். ஆனால் கூடையில் ஒரு பழம் இருந்தது அது எப்படி?

சொன்ன நேரத்துக்கு தொண்டை கிழிய கத்துவான். அவன் யார் ?

தாய் குப்பையிலே, மகள் சந்தையிலே அவை என்ன?

சிறு தூசி விழுந்ததும் குளமே கலங்கியது அது என்ன?

பிறக்கும்போது வால் உண்டு இறக்கும்போது வால் இல்லை அது என்ன?

கருப்பு நிறமுடையவன், கபடம் அதிகம் கொண்டவன், கூவி அழைத்தால் வந்திடுவான், கூட்டம் சேர்த்தும் வந்திடுவான் – அவன் யார்?

உடம்பு இல்லாத எனக்கு தலை உண்டு பூ உண்டு அது என்ன?

பபிள்கம்-ஐ முதன்முதலாக கண்டுபிடித்தவர் யார் ?

கண் உண்டு ஆனால் பார்க்க முடியாது அது என்ன?

இடி இடிக்கும், மின்னல் மின்னும், மழை பெய்யாது- அது என்ன?

உடம்பில்லா ஒருவன் பத்து சட்டை அணீந்திருப்பான்? அவன் யார்?

கசக்கிப் பிழிந்தாலும் கடைசிவரை இனிப்பான். அவன் யார்?

தொட்டுப் பார்க்கலாம் ஆனால் எட்டிப் பார்க்க முடியாது அது என்ன?

பூவோடு பிறந்து, நாவோடு கலந்து விருந்தாவான், மருந்தாவான். அவன் யார்?

உயிரில்லாதவனுக்கு உடம்பெல்லாம் நரம்பு, அது என்ன?

அதட்டுவான், அலறுவான் ஆனால் கோட்டையை விட்டு வரமாட்டான் அவன் யார்?

உடம்பு இல்லாதவனுக்கு தலையுடன் பூவும் உண்டு அவன் யார்?

அள்ள முடியும், ஆனால் கிள்ள முடியாது அது என்ன?

ஒற்றைக்கால் சுப்பனுக்கு தலைக்கனம் அதிகம் – அவன் யார்?

அக்கா தங்கை உறவுண்டு, அருகருகே வீடு உண்டு. கிட்டக்கிட்ட வந்தாலும் தொட்டுக் கொள்ள மாட்டார்கள் - அவர்கள் யார்?