வெள்ளை ராஜாவுக்கு கருப்பு உடை அது என்ன?

100-லிருந்து 10-ஐ எத்தனை முறை கழிக்க முடியும்?

தன் மேனி முழுவதும் கண்ணுடையாள் தன்னிடம் சிக்கியபேரைச் சீரழிப்பாள் அவள் யார்?

கருப்பு நிறமுடையவன், கபடம் அதிகம் கொண்டவன், கூவி அழைத்தால் வந்திடுவான், கூட்டம் சேர்த்தும் வந்திடுவான் – அவன் யார்?

உங்களுக்கு சொந்தமானத ஒன்று ஆனால் உங்களை விட மற்றவர்களே அதிகம் உபயோகிப்பார்கள்?

எப்போதும் மழையில் நனைவான் ஆனால் ஜுரம் வராது. எப்போதும் வெயிலில் காய்வான் ஆனால் ஏதும் ஆகாது. அவன் யார்?

வெள்ளை ஆடை உடுத்திய மஞ்சள் மகாராணி? அவள் யார்?

வாயிலே தோன்றி வாயிலே மறையும் பூ. அது என்ன?

காலையிலும் மாலையிலும் நெட்டை மதியம் குட்டை அவன் யார்?

நூல் நூற்கும் நெசவாளிக்கு கட்டிக்கொள்ள துணியில்லை அது என்ன?

இரு கொம்புகள் உண்டு மாடு அல்ல, வேகமாய் ஓடும் மான் அல்ல, கால்கள் உண்டு மனிதனல்ல. – அது என்ன?

உயிரில்லாதவனுக்கு உடம்பெல்லாம் நரம்பு, அது என்ன?

முத்தான முத்துகள் முற்றத்திலே காயுது, படி போட்டு அளக்கத்தான் ஆளில்லை அது என்ன?

வாள் இல்லாமல் கேடயம் மட்டும் எப்போதும் வைத்திருக்கும், போருக்கு போகாத வீரன் அவன் யார்?

இவன் வாலுக்கு வையகமே நடுங்கும் அவன் யார்?

இவன் இறக்கை இல்லாமல் பறப்பான், கண் இல்லாமல் அழுவான், அவன் யார்?

இலையுண்டு கிளையில்லை,பூ உண்டு மணமில்லை,காய் உண்டு விதையில்லை,பட்டை உண்டு கட்டை இல்லை,கன்று உண்டு பசு இல்லை அது என்ன?

பிறக்கும்போது வால் உண்டு இறக்கும்போது வால் இல்லை அது என்ன?

அக்கா தங்கை உறவுண்டு, அருகருகே வீடு உண்டு. கிட்டக்கிட்ட வந்தாலும் தொட்டுக் கொள்ள மாட்டார்கள் - அவர்கள் யார்?

டாக்டர் வந்தாரு, ஊசி போட்டாரு, காசு வாங்காமல் போனாரு.

எங்க அக்கா சிவப்பு, குளித்தால் கருப்பு அது என்ன ?

பல் துலக்காதவனுக்கு உடம்பெல்லாம் பற்கள் அவர் யார்?

பேப்பர் கிடையாது வாய்பாடு தெரியாது . கணக்கிலோ புலி அது என்ன?

தாய் குப்பையிலே, மகள் சந்தையிலே அவை என்ன?

யாரும் செய்யாத கதவு தானே திறக்கும் தானே மூடும். அது என்ன?

ஒற்றைக்கால் சுப்பனுக்கு தலைக்கனம் அதிகம் – அவன் யார்?

சிறகடித்து பரப்பவனை சமாதனத்துக்கு உதார்ணம் சொல்வர் அவன் யார்?

கசக்கிப் பிழிந்தாலும் கடைசிவரை இனிப்பான். அவன் யார்?