வாயிலே தோன்றி வாயிலே மறையும் பூ. அது என்ன?

படபடக்கும், பளபளக்கும், பண்டிகை வந்தால் வானில் பறக்கும். அது என்ன ?

சின்ன மீசைக்காரன் மியாவ் ஒசைக்காரன் அவன் யார்?

கண் உண்டு ஆனால் பார்க்க முடியாது அது என்ன?

100-லிருந்து 10-ஐ எத்தனை முறை கழிக்க முடியும்?

ஒரே வயிற்றில் பிறந்தாலும் ஒருவன் நடப்பான் ஒருவன் ஓடுவான் அது என்ன?

முத்து வீட்டுக்குள்ளே தட்டு பலகை அது என்ன ?

பபிள்கம்-ஐ முதன்முதலாக கண்டுபிடித்தவர் யார் ?

மரத்தின் மேலே தொங்குவது மலைப் பாம்பல்ல அது என்ன?

ஓடெடுப்பான் பிச்சை ஒரு நாளும் கண்டறியான் காடுறைவான் தீர்த்தக் கரைசேர்வான்- தேட நடக்குங்கால் நாலுண்டு நல்தலை ஒன்றுண்டு! படுக்கும்போது அவையில்லை பார்! அது என்ன?

காலையில் வந்த விருந்தாளியை மாலையில் காணவில்லை. அது என்ன?

அக்கா தங்கை உறவுண்டு, அருகருகே வீடு உண்டு. கிட்டக்கிட்ட வந்தாலும் தொட்டுக் கொள்ள மாட்டார்கள் - அவர்கள் யார்?

நூல் நூற்கும் நெசவாளிக்கு கட்டிக்கொள்ள துணியில்லை அது என்ன?

டாக்டர் வந்தாரு, ஊசி போட்டாரு, காசு வாங்காமல் போனாரு.

உடம்பு இல்லாத எனக்கு தலை உண்டு பூ உண்டு அது என்ன?

ஆலமரம் தூங்க அவனியெல்லாம் தூங்க, சீரங்கம் தூங்க திருப்பாற்கடல் தூங்க, ஒருவன் மட்டும் தூங்கவில்லை அவன் யார்?

கொதிக்கும் கிணற்றில் குதித்துக் குண்டாகி வருவான். அவன் யார்?

உங்களுக்கு சொந்தமானத ஒன்று ஆனால் உங்களை விட மற்றவர்களே அதிகம் உபயோகிப்பார்கள்?

இலையுண்டு கிளையில்லை,பூ உண்டு மணமில்லை,காய் உண்டு விதையில்லை,பட்டை உண்டு கட்டை இல்லை,கன்று உண்டு பசு இல்லை அது என்ன?

தன் மேனி முழுதும் கண்ணுடையாள் தன்னிடம் சிக்கியபேரைச் சீரழிப்பாள் அவள் யார்?

வெளியே உள்ளதை எறிந்து உள்ளே உள்ளதை சமைத்தான். பின் வெளியே உள்ளதை சாப்பிட்டு விட்டு உள்ளே உள்ளதை எறிந்தான் அது என்ன?

முத்தான முத்துகள் முற்றத்திலே காயுது, படி போட்டு அளக்கத்தான் ஆளில்லை அது என்ன?

சிறு தூசி விழுந்ததும் குளமே கலங்கியது அது என்ன?

வாள் இல்லாமல் கேடயம் மட்டும் எப்போதும் வைத்திருக்கும், போருக்கு போகாத வீரன் அவன் யார்?

இடி இடிக்கும், மின்னல் மின்னும், மழை பெய்யாது- அது என்ன?

அள்ள முடியும், ஆனால் கிள்ள முடியாது அது என்ன?

இவன் வாலுக்கு வையகமே நடுங்கும் அவன் யார்?

பறந்து செல்லும் ஆனால் பறவையும் அல்ல பால் கொடுக்கும் ஆனால் விலங்கும் அல்ல அது என்ன ?