காலையிலும் மாலையிலும் நெட்டை மதியம் குட்டை அவன் யார்?

முத்தான முத்துகள் முற்றத்திலே காயுது, படி போட்டு அளக்கத்தான் ஆளில்லை அது என்ன?

பல் துலக்காதவனுக்கு உடம்பெல்லாம் பற்கள் அவர் யார்?

கண் உண்டு ஆனால் பார்க்க முடியாது அது என்ன?

இவன் வாலுக்கு வையகமே நடுங்கும் அவன் யார்?

வெள்ளை ஆடை உடுத்திய மஞ்சள் மகாராணி? அவள் யார்?

இவன் இறக்கை இல்லாமல் பறப்பான், கண் இல்லாமல் அழுவான், அவன் யார்?

ஆலமரம் தூங்கஅவனியெல்லாம் தூங்க, சீரங்கம் தூங்க, திருப்பாற்கடல் தூங்க, ஒருவன் மட்டும் தூங்கவில்லை அவன் யார்?

அள்ள முடியும், ஆனால் கிள்ள முடியாது அது என்ன?

இரு கொம்புகள் உண்டு மாடு அல்ல, வேகமாய் ஓடும் மான் அல்ல, கால்கள் உண்டு மனிதனல்ல. – அது என்ன?

யாரும் செய்யாத கதவு தானே திறக்கும் தானே மூடும். அது என்ன?

முத்து வீட்டுக்குள்ளே தட்டு பலகை அது என்ன ?

ஐந்து அடுக்கு நான்கு இடுக்கு அது என்ன?

100-லிருந்து 10-ஐ எத்தனை முறை கழிக்க முடியும்?

பூவோடு பிறந்து, நாவோடு கலந்து விருந்தாவான், மருந்தாவான். அவன் யார்?

தன் மேனி முழுவதும் கண்ணுடையாள் தன்னிடம் சிக்கியபேரைச் சீரழிப்பாள் அவள் யார்?

உடம்பு இல்லாத எனக்கு தலை உண்டு பூ உண்டு அது என்ன?

பிடுங்கலாம் நடமுடியாது அது என்ன?

வாயிலே தோன்றி வாயிலே மறையும் பூ. அது என்ன?

உடம்பில்லா ஒருவன் பத்து சட்டை அணீந்திருப்பான்? அவன் யார்?

அதட்டுவான், அலறுவான் ஆனால் கோட்டையை விட்டு வரமாட்டான் அவன் யார்?

ஒரு கூடையில் ஆறு ஆப்பிள் இருந்தன. அங்கு இருந்த 6 சிறுவர்களுக்கும் 6 பழங்கள் கொடுத்துவிட்டனர். ஆனால் கூடையில் ஒரு பழம் இருந்தது அது எப்படி?

கொதிக்கும் கிணற்றில் குதித்துக் குண்டாகி வருவான். அவன் யார்?

எவர் கையிலும் சிக்காத கல் எங்கும் விற்காத கல், அது என்ன?

எங்க அக்கா சிவப்பு, குளித்தால் கருப்பு அது என்ன ?

இவன் வாலுக்கு வையகமே நடுங்கும் அவன் யார்?

காலையில் வந்த விருந்தாளியை மாலையில் காணவில்லை. அது என்ன?

வெள்ளை ராஜாவுக்கு கருப்பு உடை அது என்ன?