INDIAN 7

இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

16 டிசம்பர் 2023 01:22 AM | views : 844

மேஷம்: பெரிய பதவிக்கு தேர்ந்தெடுக்கப்படுவீர். வீண் குழப்பங்களிலிருந்து விடுபடுவீர்கள். தொட்ட காரியங்கள் துலங்கும். பழைய பள்ளி, கல்லூரி நண்பர்களை சந்தித்து மகிழ்வீர்கள். பணவரவு திருப்தி தரும்.

ரிஷபம்: மகன், மகளின் திருமணப் பேச்சுவார்த்தை நல்ல விதத்தில் முடியும். உறவினர், நண்பர்கள் மத்தியில் மதிப்பு, மரியாதை கூடும். முக்கிய பிரமுகர்களின் வீட்டு சுப நிகழ்ச்சிகளில் கவுரவிக்கப்படுவீர்கள்.

மிதுனம்: செலவுகளை தவிர்த்து சேமிக்க முயற்சிக்கவும். குடும்ப அந்தரங்க விஷயங்களை வெளியில் சொல்லி கொண்டிருக்காதீர்கள். உறவினர், நண்பர்களிடம் வீண் விவாதங்கள் வேண்டாம்.

கடகம்: குழப்பம் நீங்கி எதிலும் தெளிவு பிறக்கும். பழுதாகியிருந்த பழைய வாகனத்தை மாற்றி, சிலர் புதிது வாங்குவீர்கள். கிரஹப்பிரவேசம், திருமணம், சீமந்தம் என்று வீட்டில் விருந்தினர் வருகை அதிகரிக்கும்.

சிம்மம்: எந்த தடைகள், பிரச்சினைகள் வந்தாலும் அவற்றை சாமர்த்தியமாக சமாளிக்கும் சக்தி கிடைக்கும். முக்கிய பிரமுகர்களின் உதவியுடன் சில வேலைகள் முடிவடையும். பிள்ளைகளால் பெருமை அடைவீர்கள்.

கன்னி: எல்லா வகையிலும் வெற்றி கிட்டும். எதிர்பார்த்த தொகை கைக்கு வரும். பெரிய மனிதர்கள் ஆதரவாக இருப்பார்கள். திடீர் பணவரவு உண்டு. நீண்ட நாளாக இழுபறியாக இருந்த வழக்கில் வெற்றி கிட்டும்.

துலாம்: நண்பர்கள், உறவினர்களின் வருகையால் வீடு களைகட்டும். பழைய இனிய சம்பவங்களை நினைவுகூர்ந்து மகிழ்வீர்கள். கலை பொருட்கள் சேரும். அக்கம் பக்கத்தினருடன் அளவாகப் பேசி பழகுவது நல்லது.

விருச்சிகம்: முக்கிய பிரமுகர்கள் அறிமுகமாவார்கள். மனஸ்தாபங்கள் நீங்கி, தம்பதிக்குள் அன்யோன்யம் அதிகரிக்கும். வேற்றுமாநிலம் செல்லும் வாய்ப்பு வரும். மனைவிவழி உறவினர்களிடம் இணக்கமாக இருக்கவும்.

தனுசு: நீண்ட நாள் எதிர்பார்ப்புகள் பூர்த்தியாகும். வரவேண்டிய பண பாக்கியும் கைக்கு வரும். புது வாகனம் வாங்குவீர்கள். வேற்றுமொழி பேசுபவர்கள், வெளிநாட்டில் இருப்பவர்களால் ஆதாயமடைவீர்கள்.

மகரம்: தாழ்வுமனப்பான்மை வந்து போகும். யாரை நம்புவது, நம்பாமல் இருப்பது என்பதில் குழப்பம் வரும். யாருக்காகவும் எதற்காகவும் உறுதிமொழி தர வேண்டாம். குடும்பத்துடன் வெளியூர் பயணம் மேற்கொள்வீர்கள்.

கும்பம்: வேலைச்சுமை இருக்கும். புதிய பதவிகள் உங்களைத் தேடி வரும். எந்த ஒரு வேலையையும், பிறரிடம் ஒப்படைக்காமல் நீங்களே நேரடியாக முடிப்பது நல்லது. அக்கம் பக்கத்தினரின் அன்புத் தொல்லை நீங்கும்.

மீனம்: வெளியூரில் இருந்து மகிழ்ச்சிகரமான செய்திகள் வரும். மூத்த சகோதர வகையில் உதவிகள் கிடைக்கும். எங்கு சென்றாலும் மதிப்பு, மரியாதை கூடும். பூர்வீக வீட்டை சீரமைத்து விரிவுபடுத்தி கட்டுவீர்கள்.