INDIAN 7

Tamil News & polling

வேட்டையன் முதல் நாள் வசூல்! vettaiyan movie day 1 box office collection

11 அக்டோபர் 2024 04:54 AM | views : 70

ரஜினி நடிப்பில் வெளியாகியுள்ள வேட்டையன் திரைப்படம், இந்தியாவில் முதல் நாளில் சுமார் 30 கோடி ரூபாய் வசூல் செய்துள்ளதாக கூறப்படுகிறது.

ரஜினிகாந்த் நடிப்பில், த. செ. ஞானவேல் இயகத்தில் உருவான திரைப்படம் வேட்டையன். லைகா தயாரிப்பில், அமிதாப் பச்சன், ஃபகத் ஃபாசில் என பெரும் நட்சத்திர பட்டாளமே, நடித்துள்ள இப்படத்திற்கு அனிருத் இசையமைத்துள்ளார். பெரும் எதிர்பார்ப்புகளுக்கு மத்தியில், ஆயுத பூஜை தொடர் விடுமுறையை முன்னிட்டு வேட்டையன் திரைப்படம் நேற்று உலகம் முழுவதும் வெளியானது. சூப்பர் ஸ்டார் ரஜினியின் திரைப்படம் என்பதால், திரையரங்குகள் நேற்று விழாக்கோலம் பூண்டன. போலி என்கவுன்டர் மற்றும் கல்வி வியாபார பொருளாக்கபப்டுவதை மையப்படுத்தி வேட்டையன் திரைப்படம் உருவாகியுள்ளது. ரஜினிய்ன் மாஸ் மசாலா, த. செ. ஞானவேலின் சமூக கருத்து கலந்த படமாக வேட்டையன் திரைக்கு வந்துள்ளது.

இந்நிலையில், வேட்டையன் திரைப்படத்தின் முதல் நாள் வசூல் தொடர்பான தகவல் வெளியாகியுள்ளது. சாக்னில்க் இணையதளத்தின் தகவல்களின்படி, இந்தியா முழுவதும் வேட்டையன் திரைப்படம் முதல் நாளில் சுமார் 30 கோடி ரூபாயை வசூல் செய்துள்ளது. இதில் தமிழ் வெர்ஷனின் ரூ.26.15 கோடியும், தெலுங்கு வெர்ஷனின் ரூ.3.2 கோடியும், இந்தியில் ரூ.60 லட்சமும் மற்றும் கன்னட வெர்ஷன்ல் ரூ.5 லட்சமும் அடங்கும். இந்தியாவில் வேட்டையன் திரைப்படத்தின் முதல் நாள் வசூல் சர்வ சாதாரணமாக 40 கோடி ரூபாயை கடக்கும் என எதிர்பார்க்கப்பட்ட நிலையில், அது நிறைவேறவில்லை. அதேநேரம், சர்வதேச வசூல் தொடர்பான முழுமையான தகவல் எதுவும் தற்போது வரை வெளியாகவில்லை.

விடுமுறை அல்லாத நாள் மற்றும் தொடர் விடுமுறைக்காக சொந்த ஊர்களுக்கு புறப்படும் முனைப்பில் இருந்ததால், வேட்டையன் படத்தின் முதல் நாள் வசூல் எதிர்பார்த்த அளவு இல்லை என கூறப்படுகிறது. ஆனால், இன்று தொடங்கி மூன்று நாட்களுக்கு தொடர் விடுமுறை என்பதால், படத்தின் வசூல் வேட்டை சூடுபிடிக்கலாம் என கணிக்கப்படுகிறது. ஆன்லைன் முன்பதிவு நிலவரங்களும் இதையே பறைசாற்றுகின்றன.

விஜய் நடிப்பில் வெங்கட் பிரபு இயக்கத்தில் அண்மையில் வெளியான திரைப்படம் தி கோட். இந்தியாவில் இப்படம் முதல் நாளில் மட்டும் சுமார் 45 கோடி ரூபாயை வசூல் செய்துள்ளது. அதனுடன் ஒப்பிடுகையில், ரஜினியின் வேட்டையன் திரைப்படம் சுமார் 15 கோடி வரை குறைவாகவே முதல் நாளில் வசூல் செய்துள்ளது. கர்நாடகா, ஆந்திரா மற்றும் தெலங்கானாவில், வேட்டையன் திரைப்படத்திற்கு பெரிய வரவேற்பு இல்லாததே படத்தின் வசூல் குறைய காரணம் என கூறப்படுகிறது.

ரஜினிகாந்த் வேட்டையன் விஜய் கோட் முதல் நாள் வசூல் ஆயுத பூஜை VETTAIYAN RAJINIKANTH RAJINI VETTAIYAN BOX OFFICE

JOIN IN WHATSAPP

விஜய்யின் தவெகவிற்கு விசில் சின்னம் ஒதுக்கப்பட்டது

22 ஜனவரி 2026 11:40 AM

தமிழக சட்டப்பேரவைத் தேர்தலுக்கு இன்னும் சில மாதங்களே இருப்பதால், தமிழக வெற்றிக் கழகம் (தவெக) தலைவர் விஜய் பல்வேறு வியூகங்களை வகுத்து வருகிறார். சட்டப்பேரவைத் தேர்தலில் திமுக மற்றும் பாஜகவுடன் கூட்டணி இல்லை என

முதலமைச்சர் விருப்பப் பட்டியலில் விஜய் 2-வது இடம் - லயோலா கல்லூரி கருத்துக்கணிப்பு

03 ஜனவரி 2026 08:56 AM

2026 சட்டசபைத் தேர்தலில் வென்று மீண்டும் ஸ்டாலினே முதல்வராக பதவியேற்பார் என்று லயோலா கல்லூரி முன்னாள் மாணவர்கள் கருத்துக்கணிப்பில் தெரிவிக்கப்பட்டுள்ளது. அதேபோல் முதல்வர் வேட்பாளருக்கான கருத்துக்கணிப்பில் எடப்பாடி பழனிசாமியை பின்னுக்கு தள்ளி விஜய் 2வது

விஜயின் ஜனநாயகன் படத்திலிருந்து ராவண மவன்டா பாடல் வெளியானது!

02 ஜனவரி 2026 02:39 PM

விஜயின் 'ஜனநாயகன்' படத்திலிருந்து ராவண மவன்டா பாடல் வெளியானது! சென்னை: தளபதி விஜய் நடிக்கும் அடுத்த பிரம்மாண்ட படைப்பான 'ஜனநாயகன்' படத்தின் மீதான எதிர்பார்ப்பு ரசிகர்கள் மத்தியில் விண்ணைத் தொட்டுள்ளது. இந்த நிலையில், ரசிகர்களுக்கு

தவெகவில் இணைந்த ஓபிஎஸ் ஆதரவாளர் ஜே.சி.டி.பிராபகர்

02 ஜனவரி 2026 02:29 PM

சென்னை, அதிமுகவில் இருந்து நீக்கப்பட்ட ஜே.சி.டி.பிராபகர் ஓ.பன்னீர்செல்வம் ஆதரவாளராக இருந்து வந்தார். இந்தநிலையில், சென்னையில் தவெக தலைவர் விஜயை சந்தித்து அக்கட்சியில் தன்னை இணைத்துக்கொண்டார் ஜே.சி.டி.பிரபாகர். 2011 சட்டமன்ற